Radar Armenia-ն ներկայացնում է աշխարհի լավագույն թանգարանները։ 2024թ. ընթացքում դրանց պահանջարկը միայն ավելացել է։
Հատկապես տուրիստական սեզոնին թանգարաններ այցելելու համար հսկայական հերթեր են գոյանում։ Այդտեղ են պահվում աշխարհի լավագույն մշակութային արժեքներն ու արվեստի գործերը։
Ծանոթանալով այս ցանկին՝ կարող եք պլանավորել ձեր ճամփորդությունները։ Խորհուրդ է տրվում մուտքի տոմսերը ձեռք բերել օնլայն եղանակով՝ խուսափելու հերթերից ու ժամանակի վատնումից։
Այս անգամ կներկայացնենք Վատիկանի թանգարանները, որոնք բաղկացած են քսաներկու առանձին հավաքածուներից։
Ամենահայտնիներից են Պիո-Կլեմենտինյան թանգարանը՝ իր հիանալի դասական քանդակներով, Ռաֆայելի սենյակները, որոնք ներկվել են Ռաֆայելի կողմից, Պինակոտեկը (նկարչության պատկերասրահը), որը պարունակում է Վատիկանի միջնադարյան և Վերածննդի շրջանի լավագույն նմուշները, և, իհարկե, Միքելանջելոյի Սիքստինյան մատուռը։
Սակայն այս ամենը միայն սկիզբն է։ Այստեղ կան նաև հին Եգիպտոսի ցուցանմուշներ, ինչպես նաև էտրուսկների հավաքածուներ Գրեգորիանոս Էտրուսկյան թանգարանում։
