Մշակույթ
Բրիտանական թանգարան. աշխարհի պատմության ու արվեստի եզակի հավաքածուները (ԼՈՒՍԱՆԿԱՐՆԵՐ)
Radar Armenia-ն ներկայացնում է աշխարհի լավագույն թանգարանները։ 2024թ. ընթացքում դրանց պահանջարկը միայն ավելացել է։
Հատկապես տուրիստական սեզոնին թանգարաններ այցելելու համար հսկայական հերթեր են գոյանում։ Այդտեղ են պահվում աշխարհի լավագույն մշակութային արժեքներն ու արվեստի գործերը։
Ծանոթանալով այս ցանկին՝ կարող եք պլանավորել ձեր ճամփորդությունները։ Խորհուրդ է տրվում մուտքի տոմսերը ձեռք բերել օնլայն եղանակով՝ խուսափելու հերթերից ու ժամանակի վատնումից։
Այս անգամ կներկայացնենք Բրիտանական թանգարանը Լոնդոնում, որը իր հնագիտական և էթնոգրաֆիական հավաքածուներով դասվում է աշխարհի ամենակարևոր մշակութային ժառանգությունների շարքին։ Այստեղ կարելի է տեսնել ավելի քան ութ միլիոն առարկա։
Եգիպտական պատկերասրահը, որտեղ պահվում է Ռոզետայի քարը, այն վայրերից է, որոնք պարտադիր պետք է այցելեն պատմության սիրահարները։
