Երկուշաբթի, 4 Մարտի 2024

USD401.78

EUR430.69

RUB4.31

Երևան -1 ℃

Рус Eng

Ամեն ինչ գրադարանային կյանքի մասին. լույս է տեսել «Լրատու» հանդեսի առաջին համարը

Մշակույթ

12 Հուլիսի 2023, 13:25

Առաջին անգամ առցանց հրապարակվել է «Լրատու» հայկական գրադարանային ասոցիացիայի գիտատեղեկատվական հանդեսի անդրանիկ համարը:

Հանդեսի նպատակն է անդրադառնալ Հայաստանի գրադարանային համակարգում առկա խնդիրներին, արժևորել գրադարանների և մատենադարանների դերը հասարակական, մշակութային, գիտական, տեղեկատվական կյանքում, վեր հանել գրադարաններին և գրադարանային գործին առնչվող հարցերում ՀՀ պետական կառավարման համակարգի մարմինների ընդունած որոշումները, ներկայացնել ոլորտում առկա ձեռքբերումները, հետազոտել հայ տպագրության պատմությունը, լուսաբանել այլ երկրներում գրադարանագիտության վերջին նվաճումները, ներկայացնել գրադարանային միությունների և հաստատությունների միջազգային դաշնության (IFLA) գործունեությունը:

Հանդեսի առանցքային բաժիններն են «Տեսություն և պրակտիկա», «Մարզային և համայնքային գրադարաններ», «Կրթական հաստատությունների գրադարաններ», «Մանկական գրադարաններ», «Գրադարանների կառավարման խնդիրներ», Օրենսդրական-իրավական հարցադրումներ», «Ընթերցանության կազմակերպման արդի խնդիրներ»:

Ժամանակակից տեխնոլոգիական զարգացումներն անմիջականորեն իրենց ազդեցությունն են ունենում գրադարանային ոլորտի վրա՝ ստիպելով վերանայել ավանդական գործառույթները: Բացի ավանդական գրադարանային խորագրերից, կլուսաբանվեն նաև 21-րդ դարում գրադարանների առջև ծառացած մարտահրավերները և խնդիրները: Հանդեսը հրապարակվելու է տարեկան 2 համար: Այն հասանելի է հետևյալ հղումով՝ https://www.flib.sci.am/journal/Lratu/index.html:

Հետևեք մեզ Telegram-ում
Արման Գալոյան

Պտտվիր, պտտվիր կարուսել, ես քո երգը վաղուց եմ լսել

Radar Armenia

Տեղի ունեցածը ոչ սովորական իշխանափոխություն էր, ոչ էլ պարզունակ պալատական հեղաշրջում