Մշակույթ
«Եվրատեսիլ-2023»․ Բրյունետը ելույթ կունենա այսօր՝ 2-րդ համարի ներքո․ ինչպե՞ս քվեարկել
Լիվերպուլում այսօր տեղի կունենա «Եվրատեսիլ-2023» երգի մրցույթի երկրորդ կիսաեզրափակիչը։ Հայաստանը ներկայացնող Բրյունետը ելույթ կունենա երկրորդ համարի ներքո։ Կիսաեզրափակիչը կմեկնարկի Կենտրոնական Եվրոպայի ժամանակով ժամը 21:00-ին (Երևանի ժամանակով՝ ժամը 23:00-ին):
Բրյունետի օգտին քվեարկելու համար հարկավոր է 02 թիվն ուղարկել Ձեր երկրում առանձնացված կարճ համարին: Քվեարկության կարգի մանրամասներին ծանոթանալու համար հետևեք մրցույթին Ձեր երկրում այն հեռարձակող հեռուստաընկերությամբ:
Հայաստանից Բրյունետի օգտին քվեարկել հնարավոր չէ: Այլ մասնակիցների օգտին քվեարկելու համար գործում է 1004 համարը:
Մյուս երկրներից քվեարկելու համար այցելեք www.esc.vote կայք:
Հիշեցնենք, որ մայիսի 9-ին տեղի էր ունեցել առաջին կիսաեզրափակիչը, հայտնի էին դարձել եզրափակիչ անցած 10 երկրների անունները։ Եզրափակիչը տեղի կունենա մայիսի 13-ին։
