Վերջերս աշխարհում բազմաթիվ հետազոտություններ են դուրս եկել՝ բջջային հեռախոսների աճող օգտագործման դեմ։ Հետազոտությունները ցույց են տալիս, որ հեռախոսների օգտագործումն ու տեխնոլոգիական առաջընթացը կարող է նաև վնասակար լինել մեր առողջության համար:

1. Հեռախոսները փոխում են կեցվածքը

AsapSCIENCE-ն ընդգծում է, որ երբ ներքևից՝ պառկած, նայում եք ձեր հեռախոսին, ձեր ողնաշարի անկյունը համարժեք է ձեր պարանոցին նստած 8-ամյա երեխային: Այս թեքությունը կարող է հանգեցնել պարանոցի և մեջքի ցավերի, ինչպես նաև՝ մի շարք այլ առողջական խնդիրների: 

2. Հեռախոսները մեծացնում են կարճատեսությունը

Հյուսիսային Ամերիկայում կարճատեսությունը վերջին 40 տարում կրկնապատկվել է։ AsapSCIENCE-ը նշում է, որ էկրաններին նայելու գումարային ժամանակը կարող է նպաստել այս աճին: 1970-ականներին Հյուսիսային Ամերիկայի բնակչության ընդամենը մեկ քառորդն էր կարճատես, իսկ այսօր՝ կեսը: Իհարկե, կարող են լինել նաև նպաստող այլ գործոններ, բայց աշխարհի այլ մասերում տեսողությունը նույնիսկ ավելի է վնասված. Ասիայի որոշ հատվածներում բնակչության 80-90%-ը կարճատես է:

 

3. Հեռախոսները փոխում են ուղեղի աշխատելու ձևը

Բջջային հեռախոս օգտագործելը կարող է փոխել անգամ մտածելակերպը: Երբ ուղեղի էլեկտրական ազդակները ակտիվանում և կապակցվում են, մենք արտադրում ենք ուղեղի մի քանի տեսակի ալիքներ: Ալֆա ռիթմերը կապված են արթուն հանգստի հետ (ինչպես, օրինակ, մտորելը կամ երազելը), մինչդեռ գամմա ալիքները կապված են ուշադրության և արթուն գիտակցության հետ (օրինակ, երբ ուշադիր եք դասի ընթացքում): Ուսումնասիրությունները ցույց են տալիս, որ երբ հեռախոսն օգտագործվում է, ալֆա ալիքներն ուժեղանում են, և դա կարող է փոխել ուղեղի բուն աշխատանքը: Այս պահին հստակ չի կարող ասվել՝ ալֆայի ռիթմերի այս աճը լավ է, թե վատ: Որոշ ուսումնասիրություններ ցույց են տալիս, որ այն կարող է մեծացնել ստեղծագործական ունակությունները և նվազեցնել դեպրեսիան:

 

4. Հեռախոսները խախտում են քնի ռեժիմը

Որքան մեծանում ենք, այնքան լիարժեք քունը ավելի դժվար է դառնում: Ըստ վերջին ուսումնասիրությունների՝ տեխնոլոգիան կարող է առանցքային դեր խաղալ անքնության հարցում: Սարքերի էկրաններից արձակված կապույտ լույսը փոխում է մարմնի ցիրկադային ռիթմերը: Մարդիկ, ովքեր օգտագործում են հեռախոսից օգտվում են քնելուց առաջ, ավելի քիչ մելատոնին են արտադրում, ավելի դժվար են քնում և ավելի քիչ ժամանակ են անցկացնում խորը քնի մեջ։ Մարդիկ, ովքեր անընդհատ քնի պակաս ունեն, քաշի ավելացման, քաղցկեղի, շաքարախտի և դեպրեսիայի ավելի բարձր ռիսկային գոտում են: Խորհուրդ է տրվում ավելի շուտ քնել և  քնելուց առաջ որոշ ժամանակ գաջեթներ չօգտագործել։