Պանդեմիայի ճիրաններից ազատվող աշխարհը վայելում է ազատ տեղաշարժվելու, կինոթատրոններ ու սրճարաններ գնալու բերկրանքը։ Այժմ, երբ կյանքը վերադարձել է նորմալ հուն, մարդիկ ավելի շատ են սպասում նոր ֆիլմերի թողարկվելուն։ GQ-ն ներկայացնում է այս տարվա ամենասպասվող ֆիլմերը ցանկը։

Եռման կետ (Boiling Point)

Ֆիլմը մեկ շարունակական կադրով ներկայացնում է խոհարարի առօրյան, ով պայքարում է իր ըմբոստ ենթակաների, սարսափելի հաճախորդների և իր կախվածությունների ու վատ սովորությունների դեմ։

Հսկայական տաղանդի անասելի բեռը (The Unbearable Weight of Massive Talent)

Նիկոլաս Քեյջը թերևս ներկայացման կարիք չունի։ 90-ականների հայտնի աստղը այս ֆիլմում էկրանը կիսում է «Գահերի խաղ»-ից հայտնի Պետրո Պասկալի հետ։ Ֆիլմի առանցքում հենց Քեյջի կյանքն են ու իրական կյանքում, աշխարհի ամենահայտնի աստղերից մեկը լինելու համատեքստում, նրա ապրած դժվարությունները։

Աշխարհի ամենավատ մարդը (The Worst Person in the World)

Ջոակիմ Թրիերի հինգերորդ ֆիլմն արդեն հասցրել է դառնալ փառատոների սիրելին։ Այս ռոմանտիկ կոմեդիան պատմում է իր 30-ին մոտ Ջուլիի պատմությունը, ով բուռն սիրավեպ է սկսում Ակսել անունով երիտասարդի հետ՝ կիսելով էմոցիոնալ անբավարարվածության ու որոնումների այդ շրջանը։

Մի անհանգստացիր, սիրելիս (Don’t Worry Darling)

Այս ֆիլմը բնորոշվել է որպես հոգեբանական թրիլլեր` կենտրոնացած նախորդ դարակեսի ամերիկացի դժբախտ տնային տնտեսուհու կյանքի վրա։ Գլխավոր դերերում են Հարի Սթայլզը, Օլիվիա Ուայլդը և Ֆլորանս Փյուն։ Սթայլզի մարմնավորած կերպարը մութ գաղտնիք ունի, որի մանրամասները խիստ փակ են պահվում։ 

Կարմիր հրթիռ (Red Rocket)

Թրամփի նախագահության սկզբին Տեխասի փոքրիկ քաղաքում տեղի ունեցողի մասին ֆիլմը պատմում է Մայքի Սաբերիի՝ մեծահասակների համար ֆիլմերի նախկին աստղի մասին, որը ստիպված վերադառնում է հարենի քաղաք: Այնտեղ նա հանդիպում է երիտասարդ Սթրոբերիին ու սկսում պատրաստել նրան պոռնոդերասանուհու կարիերայի համար՝ Լոս Անջելես տանելու խոստումով: 

Բեթմենը (The Batman)

Ռոբերտ Պատինսոնն անվիճելիորեն Հոլիվուդի ամենապահանջված դերասանն է այս պահին։ Նա կատարում է Բեթմենի դերը Մեթ Ռիվզի երեք ժամանոց էպիկ էկրանիզացիայում, իսկ վերջերս արժանացել է կորեացի օսկարակիր ռեժիսոր Բոնգ Ջուն Հոյի ուշադրությանը, ով վերջինիս դեր է առաջարկել իր աղմկահարույց «Պարազիտներ» ֆիլմի շարունակության մեջ։ 

Թոփ Գան. Մեյվըրիք (Top Gun: Maverick)

Առաջին ֆիլմի թողարկումից ավելի քան երեսունհինգ տարի անց Թոմ Կրուզը և Վալ Քիլմերը վերադառնում են՝ երկրորդ Top Gun-ը կյանքի կոչելու։ Այն կենտրոնացած է Կրուզի մարմնավորած հայտնի օդաչու Մավրիկի շուրջ, ով այս անգամ բախվում է իր անցյալի ուրվականներին, երբ հրաժարվում է բարձր պաշտոնից, որը նրան գամելու էր գրասենյակային աշխատանքին։

Հյուսիսցին (The Northman) 

Ֆիլմի գործողությունները տեղի են ունենում տասներորդ դարի Իսլանդիայում։ Ֆիլմը դաժան է և արնաթաթախ, իսկ դերասանական կազմը լի է Հոլիվուդի առաջին դեմքերով, ինչպիսիք են Նիկոլ Քիդմանը և Իթան Հոուկը։ Իսլանդացի հայտնի երգչուհի Բյորքը նույնպես կհայտնվի ֆիլմում. սա նրա առաջին դերն է գեղարվեստական ֆիլմում՝ «Մթության մեջ պարող»-ում իր հանրահայտ դերից հետո։