Բայրամովը հայ-ադրբեջանական դելիմիտացիայի ու դեմարկացիա պրոցեսի մասին
Միջազգային
9 Փետրվարի 2022, 15:47
Ադրբեջանի ԱԳ նախարար Ջեյհուն Բայրամովը այսօր հայտարարել է, որ Բաքուն չի պատրաստվում կատարել ձեռք բերված պայմանավորվածություններն ու խոչընդոտելու է հայ-ադրբեջանական սահմանի դելիմիտացիայի գործընթացին։ Ինչպես հաղորդում են տեղական լրատվամիջոցները, Բայրամովը Մոլդովայի ԱԳ նախարարի հետ համատեղ մամուլի ասուլիսում կրկին նշել է, որ Ադրբեջանը պատրաստ է սկսել դելիմիտացիայի գործընթացն առանց նախապայմանների, բայց Հայաստանն է նախապայմաններ առաջ քաշում դրա մեկնարկի համար։
«Խոսելով Հայաստանի ու Ադրբեջանի միջև հարաբերությունների կարգավորման մասին, անհրաժեշտ է նախ լուծել սահմանի դելիմիտացիայի ու դեմարկացիայի հարցը։ Ադրբեջանը պատրաստ է հանձնաժողովի գործունեությանը առանց որևէ նախապայմանի, սակայն հայկական կողմը փորձում է նախնական պայմաններ առաջ տանել հանձնաժողովի աշխատանքի մեկնարկի համար։ Նման մոտեցումը չի նպաստում դրական դինամիկային»,- հայտարարել է Բայրամովը։
Հետևեք մեզ Telegram-ում
