Գորիսի համայնքապետ Առուշ Առուշանյանի խափանման միջոցի վերաբերյալ որոշումը ՀՀ վերաքննիչ քրեական դատարանը կհրապարակի վաղը. դատավոր Ռուբիկ Մխիթարյանը հեռացել է խորհրդակցական սենյակ։
Առուշանյանի պաշտպան Էրիկ Ալեքսանյանը լրագրողների հետ ճեպազրույցում հայտարարել է. «Վստահություն չունեմ, թե այսօրվա դատավորը Առուշանյանի գործով ինչ կարող է անել, հատկապես, որ այդ դատավորը հենց երեկ կալանավորեց Քաջարանի քաղաքապետին։ Ինքն այն դատավորն է, որ կալանավորել է նաև Արմեն Չարչյանին, և կյանքը ցույց տվեց, որ Չարչյանի կալանավորումը եղել է ապօրինի։ Եվ, ի վերջո, սա այն դատավորն է, որ երկու տարի առաջ ՀՀ երկրորդ նախագահ Ռոբերտ Քոչարյանին հակասահմանադրական հոդվածով նույնպես կալանավորել է»։
