«Դիմադրություն» շարժման մասնակիցները Երևանում անհնազանդություն են իրականացնում՝ շարունակելով տարբեր ուղղություններով ավտոերթերի և իրազեկման ակցիաների կազմակերպումը։
Ոստիկանությունից տեղեկացնում են, որ Երևանի տարբեր հատվածներից ոստիկանության բաժիններ է բերման ենթարկվել 91 քաղաքացի։
Քաղաքացիները բերման են ենթարկվել վարչական իրավախախտումների վերաբերյալ օրենսգրքի 182 հոդվածով նախատեսված արարքի համար։
182-րդ հոդվածը սահմանում է՝ ոստիկանության ծառայողի օրինական պահանջը չկատարելը։
Հիշեցնենք՝ ժամը 08:00-ից մեկնարկել են «Դիմադրություն» շարժման ավտոերթերը։
