Արգենտինան կողմ է Sputnik V պատվաստանյութի հաստատմանը

Արգենտինայի նախագահ Ալբերտո Ֆերնանդեսը սխալ է համարել մի շարք եվրոպական երկրների և Առողջապահության համաշխարհային կազմակերպության (ԱՀԿ) կողմից ռուսական Sputnik V պատվաստանյութը չհաստատելը։

RT-ին տված հարցազրույցում այս մասին ասել է նախագահը. «Կարծում եմ՝ սա (Sputnik V պատվաստանյութը չհաստատելը) Եվրոպայի սխալն է, որը թելադրված է աշխարհաքաղաքական նկատառումներով, քանի որ մենք ունենք դեղերի և պատվաստանյութերի վերահսկման և հաստատման մարմին, որն ամենաորակյալներից է աշխարհում… Ես գիտեմ, որ այդ մարմինը շատ պահանջկոտ լինելով՝ հավանություն է տվել պատվաստանյութին, ուստի, ես բացատրություն չունեմ, թե ինչու է այդքան երկար տևում Եվրոպայում»։

Նա ընդգծել է, որ ռուսական պատվաստանյութի արդյունավետության մասին խոսել է եվրոպացի առաջնորդների և ԱՀԿ գլխավոր տնօրեն Թեդրոս Ադհանոմ Գեբրեյեսուսի հետ:

Ավելի վաղ Արգենտինայի նախագահական վարչակազմի ներկայացուցիչը «ՌԻԱ նովստի»-ին հայտնել էր, որ Ֆերնանդեսն ակնկալում է փետրվարի 3-ին հանդիպել ՌԴ նախագահ Վլադիմիր Պուտինի հետ։

2021 թվականի մարտի 4-ից Sputnik V-ն աստիճանական փորձաքննության ընթացակարգ է անցնում Եվրոպական դեղամիջոցների գործակալությունում, որը հաստատում է դեղերը Եվրոպական միությունում կենտրոնացված օգտագործման համար։

Նմանատիպ նյութեր

Ողբերգական ավտովթարի հետևանքով ծայրահեղ ծանր վիրավորում ստացած երեխաներից մեկը մահացել է

Այսօր, 23:13

Մյուս երեք վիրավորները շարունակում են գտնվել վերակենդանացման բաժանմունքում, նրանցից մեկի մոտ կա դրական դինամիկա, մյուս երկուսի վիճակը մնում է ծայրահեղ ծանր»,- հայտնում է «Սուրբ Աստվածամայր» ԲԿ մամուլի ծառայությունը:

Քննարկվել է իրանական Չաբահար նավահանգստում օպերատոր դառնալու հարցը

Այսօր, 20:20

Այսօր այդ աշխատանքային խմբի առաջին նիստն էր, որի ընթաքում տարբեր գերատեսչություններ ներկայացնող իմ գործընկերները ներկայացրել են թեմայի վերաբերյալ իրենց կատարած հետազոտություններն ու տարբեր առաջարկներով հանդես եկել։

Հունիսի 4-ին Երևանում մի շարք փողոցներ ժամանակավորապես փակ կլինեն

Այսօր, 20:02

Հունիսի 4-ին Երևան քաղաքի կենտրոնական մասում անցկացվելու է «One Run» միջազգային վազքարշավը, որի մեկնարկը տրվելու է Հանրապետության հրապարակի մետրոյի մոտից և անցնելու է Նալբանդյան, Իսահակյան, Տերյան, Արամի, Աբովյան փողոցներով: