Ալմաթիում ահաբեկչական վտանգի բարձր՝ «նարնջագույն» մակարդակը փետրվարի 7-ից չեղյալ կհայտարարվի քաղաքում իրադրության կայունացման կապակցությամբ, հայտնել Է ահաբեկչության դեմ պայքարի քաղաքային օպերատիվ շտաբը:
Ինչպես տեղեկացնում է «ՌԻԱ Նովոստի»-ն, շտաբի տարածած մամուլի հաղորդագրության մեջ գրված է․ «Ահաբեկչության դեմ պայքարի քաղաքային օպերատիվ շտաբը հայտնում է Ալմաթի քաղաքում իրավիճակի կայունացման մասին։ Շտաբի ղեկավարի կողմից ընդունված որոշման համաձայն ՝ մեգապոլիսի տարածքում ընթացիկ տարվա փետրվարի 7-ի ժամը 00: 00-ից (Երևանի ժամանակով փետրվարի 6-ին ժամը 22: 00-ից - խմբ.) չեղյալ է հայտարարվում ահաբեկչական վտանգի բարձր "նարնջագույն" մակարդակի գործողությունը»:
Դրանում նաև նշվում է, որ հատուկ և իրավապահ մարմինները կշարունակեն ծառայության ուժեղացված տարբերակի իրականացումը:
