Ալիևը խոսել է Ադրբեջանի և Հայաստանի միջև խաղաղության պայմանագրի մասին
Միջազգային
14 Փետրվարի 2022, 15:50
Ադրբեջանի նախագահ Իլհամ Ալիևը հայտարարել է, որ Երևանի և Բաքվի միջև պետք է լինի խաղաղության պայմանագիր։ «Այս համաձայնագիրը պետք է ստորագրվի իրավունքի միջազգային նորմերի և սկզբունքների հիման վրա՝ երկրների տարածքային ամբողջականության փոխադարձ ճանաչման պայմանով»,- հայտարարել է Ալիևը՝ Աղդամի շրջան կատարած այցի ժամանակ։
Ալիևը նաև նշել է, Ադրբեջանի կողմից ներկայումս կատարվող աշխատանքները՝ մասնավորապես ռազմական շինարարության ոլորտում ավելի կամրապնդեն երկրի պաշտպանողականությունը և կզսպեն Հայաստանի ռևանշիստական ուժերին։ «Մենք մեր հողերում ենք։ Արյուն թափելով վերադարձանք այս հողերը։ Մենք ամուր կանգնած ենք այս հողերի վրա և ապրելու ենք այստեղ։ Ղարաբաղը Ադրբեջան է»,- հայտարարել է Ալիևը։
Հետևեք մեզ Telegram-ում
