Փաստաբան Գևորգ Գյոզալյանը «Ֆեյսբուքի» իր էջում գրել է.
«Դատական համակարգի քաոսային աղմուկի մասին
Վերջին շրջանում մի տեսակ քաոսային աղմուկ է դատական համակարգում, որն իմ գնահատմամբ արտացոլանքն է քաղաքական օրակարգերի:
Այս քաոսային աղմուկի պայմաններում լի ու լի ականատես ենք լինում շատ մեղմ ասած անբարեխիղճ դատավորների վերաիմիջավորմանը, ըստ որի` նրանք իբր թե համարձակ դատավորներ են, օբյեկտիվ դատավորներ են, իսկ իրապես համարձակ և օբյեկտիվ դատավորները լուռ իրենց գործն են անում` ելնելով բացառապես ԱՐԴԱՐՈՒԹՅԱՆ շահերից:
Քաղաքական օրակարգերի լպրծունությունը սողոսկել է դատական համակարգ և, միաձուլվելով քաոսային աղմուկի հետ, լրբերին դարձրել է սուրբ, իսկ սրբերին կամակատարներ, և ով ավելի տաղանդավոր լիրբ է, նա ավելի շատ է խոսում սրբությունից:
Սիրելի՛ ԱՐԴԱՐՈՒԹՅԱՆ շահը հետապնդող դատավորներ, ով աչք ունի տեսնում է, ով ականջ ունի լսում է, կանցնեն այս լպրծուն ժամանակները, կանցնի այս իշխանությունն իր ընդիմության հետ միասին, ի վերջո կանցնի նաև այս սերունդը և հետքը նրա չի մնա, բայց միայն Ձեր արած արդարադատությունը, որի միջոցով դուք կհասնեք ԱՐԴԱՐՈՒԹՅԱՆ, միայն դա կմնա դարեր ի վեր:
