Պատվաստված բնակչության մեծ տոկոս ունեցող երկրներում իրավիճակի կայունացման ֆոնին ԱՀԿ-ն համաշխարհային հանրությանը կոչ է անում օգնել այն շրջաններին, որտեղ պատվաստվածները քիչ են։ Մասնագետների կարծիքով նրանց պետք է պատվաստումներ, թեստեր, դեղամիջոցներ տրվեն՝ կորոնավիրուսի բուժման համար։
«ACT արագացուցիչ ծրագիրը, ինչպես նշված է մեր հայտարարած նախաձեռնության մեջ, պահանջում է 23 միլիարդ դոլար: Մենք խոսում ենք կյանքեր փրկելու, omicron-ի հետ կապված սպառնալիքները վերացնելու և նոր, նույնիսկ ավելի վտանգավոր շտամների կանխարգելման մասին», - հայտարարել է ԱՀԿ-ի գլխավոր տնօրեն Թեդրոս Ադհանոմ Հեբրեյեսուսը։ Ռումինիան այն երկրների ցանկում է, որտեղ դժվար է զսպել կորոնավիրուսը. Բուխարեստում շտապօգնության ծառայությունը ծանրաբեռնված է շտապ օգնության կանչերով, Եվրոպայում պատվաստումների ամենացածր ցուցանիշներից մեկը ունեցող երկիրը ծանր հարվածի տակ է հինգերորդ ալիքի պատճառով:
Մինչ Եվրոպան սովորում է գոյակցել կորոնավիրուսի հետ, Չինաստանում իշխանությունները հաստատակամորեն կանգնած են զրոյական հանդուրժողականության դիրքորոշման վրա՝ վարակի աճի առաջին նշաններում հայտարարելով արգելափակում: Այդպես օրինակ, 4 միլիոնանոց Բեյց քաղաքը փակվեց այն բանից հետո, երբ այնտեղ հայտնաբերվեց 180 վարակված, հաղորդում է Euronews-ը։
