Արբանյակային պատկերները ցույց են տալիս, որ Ռուսաստանն այլևս գրեթե չի օգտագործում Ղրիմի կամուրջը Ուկրաինայի առաջնագծում գտնվող իր զորքերի մատակարարումների համար։ Այդ մասին հայտնել է The Independent-ը։
Ինչպես նշում է թերթը, ավելի քան երեք ամիս առաջ է՝ փետրվարի 29-ին, նկատվել մեկ ռուսական բեռնատար գնացք՝ մոտավորապես 55 վագոն վառելիքով։ Ո՛չ մարտին, ո՛չ ապրիլին, ըստ Դնեպրում գործող «Մոլֆար» գործակալության, կամրջով ռուսական ռազմական ուժերի տեղաշարժեր չեն եղել: Գործակալությունն իր վերլուծության համար օգտագործել է «Maxar» արբանյակային պատկերների, երկաթուղային վագոնների և բեռների նույնականացման համադրություն: