Ֆրանսիայի նախագահ Էմանուել Մակրոնը երկուշաբթի օրը դիմել է Սի Ցզինպինին՝ սերտորեն համագործակցելու Եվրոպայի հետ՝ Ռուսաստանի Ուկրաինա ներխուժման դադարեցման համար և ընդունելու համաշխարհային առևտրի արդար կանոնները։ Հիշեցնենք, որ Չինաստանի նախագահը պետական այցով գտնվում է Ֆրանսիայում։
Բացելով նախնական եռակողմ հանդիպումը, որին մասնակցում է Եվրահանձնաժողովի նախագահ Ուրսուլա ֆոն դեր Լեյենը, Մակրոնն ասել է, որ «Մեր մայրցամաքի ապագան շատ հստակորեն կախված կլինի Չինաստանի հետ հարաբերությունները հավասարակշռված կերպով զարգացնելու կարողությունից»։
Le Figaro օրաթերթի համար գրված հոդվածում Սին ասել է, որ ցանկանում է աշխատել միջազգային հանրության հետ՝ ուղիներ գտնելու հակամարտությունը լուծելու համար, որը ծագել է Ուկրաինա Ռուսաստանի ներխուժմամբ՝ միաժամանակ ընդգծելով, որ Չինաստանը «ոչ կողմ է, ոչ էլ մասնակից»: Ֆոն դեր Լեյենն ասել է, որ ճնշում է գործադրելու համաշխարհային առևտրում Չինաստանի հետ «արդար» մրցակցության համար՝ հավելելով, որ Սիի հետ նախորդ բանակցություններում նա «հասկացրել է, որ շուկա մուտքի ներկայիս անհավասարակշռությունը կայուն չէ և պետք է լուծվի»։
«Մենք շատ հստակ ենք վերաբերվում Չինաստանի հետ մեր հարաբերություններին, որոնք ամենաբարդ, բայց նաև ամենակարևորներից են», - ասել է նա:
