Մադրիդի և Բուենոս Այրեսի միջև լուրջ դիվանագիտական հակամարտություն է սկսվել։
Radar Armenia–ին հայտնի դարձավ, որ պատճառը Իսպանիայի տրանսպորտի նախարարի հայտարարություններն են այն մասին, թե Արգենտինայի նախագահ Խավիեր Միլեյը իբր թմրանյութ է օգտագործել։
Իսպանիայի տրանսպորտի նախարարության ղեկավար Օսկար Պուենտեն ասել է, որ նախընտրական քարոզարշավի ժամանակ Միլեյը ինչ-որ «նյութեր» է օգտագործել:
Նա նաև համեմատել է անցյալ տարվա վերջին Արգենտինայի նախագահական ընտրություններում հաղթած Միլեյին ԱՄՆ նախկին նախագահ Դոնալդ Թրամփի հետ, որը Հանրապետական կուսակցությունից կրկին առաջադրվել է այդ պաշտոնում:
Նկարագրելով նախընտրական քարոզարշավի ժամանակ հեռուստաեթերում Միլեյի հայտնվելը՝ նախարարն ասել է, որ իրեն հայտնի չէ, թե նա ինչ վիճակում է եղել՝ «նյութեր ընդունելուց առաջ, թե հետո»:
Ի պատասխան՝ Արգենտինայի նախագահի աշխատակազմը հայտարարություն է արել, որում ասվում է, որ Իսպանիան այժմ ավելի կարևոր դասեր ունի, քան Միլեյի գործողությունների քննարկումը, մասնավորապես՝ կոռուպցիայի մեղադրանքները, որոնք ներկայացվել են երկրի վարչապետ Պեդրո Սանչեսի կնոջ դեմ. հայտնում է BBC–ն։