Formu1a.uno պարբերականը հայտնում է, որ «Աստոն Մարտինի» պիլոտ Ֆերնանդո Ալոնսոն դժվար թե տեղափոխվի «Մերսեդես» և նախընտրում է հետևել «Ռեդ Բուլի» շուրջ ստեղծված իրավիճակին:
Ֆերնանդո Ալոնսոն, կարծես, հետաքրքրված չէ «Մերսեդես» տեղափոխությամբ՝ նախընտրելով պայմանագիր կնքել «Աստոն Մարտինի» հետ, չնայած նա սպասում է, թե ինչպես կզարգանան իրադարձությունները «Ռեդ Բուլի» շուրջ: Ֆերնանդոն գնահատում է տեխնիկական խոստումները, որոնք թիմից տալիս է իրեն:
«Մերսեդեսում» ազատ տեղի համար մեկ այլ թեկնածու կարող է լինել Կառլոս Սայնսը, որը երբեք չի հերքել, որ շփումներ ունի տարբեր թիմերի, այդ թվում՝ «Մերսեդեսի» հետ, որպեսզի իմանա, թե որոնք են նրանց առաջարկներն ու ծրագրերը», - գրում է Formu1a.uno-ն:
«Մերսեդեսի» ավտոարշավորդ Լյուիս Հեմիլթոնը հաջորդ մրցաշրջանում կտեղափոխվի «Ֆերարի», այդ պատճառով թիմի ղեկավար Տոտո Վոլֆը փնտրում է պիլոտի՝ բրիտանացուն փոխարինելու համար։
