ՀՀ ինքնիշխան տարածքից ոչ մի միլիմետր չի կարող զիջվել։ Այս մասին Հանրային հեռուստաընկերության եթերում հայտարարել է ՀՀ վարչապետ Նիկոլ Փաշինյանը։
«Մենք ասում ենք՝ պետք է վերարտադրել սահմանը։ Սա նշանակում է գնալ և գետնի վրա տեղորոշել այդ սահմանն արդեն ձևավորված սկզբունքների հիման վրա։
Մեր երկրի անվտանգության ապահովման և մեր երկրի շահերից է բխում, ի վերջո, որդեգրել մեր տարածաշրջանում առանց արտաքին օգնության և հովանավորության ապրելու բանաձև, գտնել այն»,- ասել է վարչապետը։
Նրա խոսքով՝ Կիրանցի ամեն մի բնակչի շահն իրենց ուշադրության կենտրոնում է։
«Ամեն ինչ անելու ենք, որպեսզի նրանցից յուրաքանչյուրի իրավունքները, արժանապատվությունը, անվտանգությունը պաշտպանենք»,- հայտնել է Փաշինյանը։