Միջազգային
Ռուսական ԱԹՍ հարվածների հետևանքով Կիևում շենքեր են վնասվել, կան զոհեր և վիրավորներ
Ռուսական ԱԹՍ-ների զանգվածային հարվածների հետևանքով Ուկրաինայի մայրաքաղաք Կիևում կան զոհեր և վիրավորներ, վնակելի շենքեր են ավիրվել, հայտնում են ուկրաինական լրատվամիջոցները։
Կիևի քաղաքապետ Վիտալի Կլիչկոն հայտարարել է, որ մայրաքաղաքի Գոլոսիևսկի, Սոլոմոյանսկի և Դարնիցկի շրջաններում հրդեհներ են բռնկվել հարձակման ժամանակ ոչ բնակելի շենքերի և բաց տարածքների վրա ընկնող բեկորների հետևանքով։ Նա ասել է, որ հարձակման պատճառով քաղաքի որոշ շրջաններում էլեկտրաէներգիայի անջատումներ են տեղի ունենում։
«Դարնիցկի շրջանում հրթիռի բեկորները ընկել են ինը հարկանի շենքի բակում։ Շենքի վեցերորդ հարկում հրդեհ է բռնկվել։ Դեպքի վայր են ուղարկվել արտակարգ ծառայություններ», - գրել է Կլիչկոն։
Միևնույն ժամանակ, Ուկրաինայի ազգային ոստիկանությունը հայտնել է, որ Սվյատոշինսկի շրջանում անօդաչու թռչող սարքի անկումը հրդեհի և շենքի մասնակի ոչնչացման պատճառ է դարձել։ «Փրկարարները փլատակներից դուրս են բերել 42-ամյա տղամարդու դի։ Տասնմեկ մարդ վիրավորվել է, այդ թվում՝ 10-ամյա երեխա։ Ոստիկանության և արտակարգ իրավիճակների պետական ծառայության աշխատակիցները տեղում աշխատում են՝ օգնություն ցուցաբերելով վիրավորներին և փաստաթղթավորելով թշնամու հրետակոծության հետևանքները», - հավելել են իրավապահ մարմինների աշխատակիցները։
Ավելի ուշ հաղորդվել է, որ զոհերի թիվը հասել է 2-ի։
