Վրաստանի դատախազությունը քրեական գործեր է հարուցել Վրաստանի նախկին վարչապետի դեմ։
Գլխավոր դատախազի գրասենյակի ղեկավար Գիորգի Գվարակիձեի խոսքով՝ Վրաստանի նախկին վարչապետ և ներքին գործերի նախարար Գիորգի Գախարիայի դեմ հարուցվել է երկու քրեական գործ։
Նրա խոսքով՝ հետաքննությունը վերաբերում է 2019 թվականի հունիսի 20-21-ի իրադարձություններին և Չորչանա գյուղում անցակետի տեղադրմանը։ Գախարիային մեղադրանք է առաջադրվել, որը նախատեսում է մինչև 13 տարի ազատազրկում։
Գախարիան արդեն որոշ ժամանակ է, ինչ գտնվում է Գերմանիայում։
