Վրաստանի նախագահ Միխայիլ Կավելաշվիլին հանդիպել է Ադրբեջանի վարչապետ Ալի Ասադովին։ Հանդիպման ընթացքում կողմերը քննարկել են երկու երկրների ռազմավարական գործընկերության հիմնական ոլորտները, ինչպես նաև տարածաշրջանային և միջազգային ձևաչափերում հաջող համագործակցության հարցեր։
Նշվել է, որ հիմնական շեշտը դրված է առևտրատնտեսական հարաբերությունների խորացման և տարածաշրջանային համատեղ նախագծերի զարգացման վրա։ Հատկապես ընդգծվել է Միջին միջանցքի նշանակությունը, քննարկվել են բեռնափոխադրումների հնարավորությունների մեծացման հարցեր։
Կողմերը նշել են նաև հարավկովկասյան տարածաշրջանում խաղաղության և կայունության պահպանման կարևորությունը։
Կավելաշվիլին շնորհակալություն է հայտնել վարչապետ Ալի Ասադովին՝ Վրաստանի ինքնիշխանությանն ու տարածքային ամբողջականությանը Ադրբեջանի շարունակական աջակցության համար։
