Կոռուպցիայի և փողերի լվացման ուսումնասիրությամբ զբաղվող միջազգային «OCCRP» կազմակերպությունը նոր հետաքննություն է արել՝ բացահայտելով Ադրբեջանի պետական «Socar» նավթագազային կոնցեռնի տնօրենի որդու հետ կապված գույքը Լոնդոնում։
«Socar»-ի 17 տարվա տնօրեն Ռովնագ Աբդուլաևը, ով այժմ զբաղեցնում է Ադրբեջանի էկոնոմիկայի փոխնախարարի պաշտոնը, բացի իր պաշտոնական աշխատավարձից, եկամտի այլ աղբյուր չի ունեցել։
Սակայն, ըստ հետաքննության, նրա 28-ամյա որդին՝ Ռաշադը, Լոնդոնի ամենաէլիտար թաղամասերից մեկում՝ Grosvenor Square-ում ունի 20 մլն դոլար արժողությամբ բնակարան։
Նա 22,4 միլիոն դոլար արժողությամբ գույքը ձեռք է բերել 2019 թվականին՝ գաղտնի օֆշորային ընկերության միջոցով: