Ամերիկացի կոնգրեսականներ Ֆրենկ Փալոնը, Գաս Բիլիրակիսը, Ջեքի Սփեյերը, Դեյվիդ Վալադաոն ու Ադամ Շիֆը շնորհավորական ուղերձ ել են հղել Լեռնային Ղարաբաղի Հանրապետության հռչակման 31-ամյակի առթիվ։ Այդ մասին հայտնել է ԱՄՆ Հայ Դատի գրասենյակը։
Ուղերձում կոնգրեսականները նշել են, որ շարունակում են պահանջել ԱՄՆ կառավարությունից՝ ձեռնարկել բոլոր հնարավոր դիվանագիտական միջոցները, որպեսզի պատժեն Թուրքիային և Ադրբեջանին՝ 2020 թվականին Արցախի վրա հարձակման համար, ինչպես նաև պատշաճ աջակցություն ցույց տալ այն ընտանիքներին, որոնք բռնի տեղահանվել են Հայաստան կամ համարձակորեն շարունակում են ապրել իրենց հայրենի հողում:
Կոնգրեսականները վերահաստատել են իրենց հավատարմությունը ԱՄՆ կառավարության և Արցախի իշխանությունների միջև պաշտոնական համագործակցությանը և պատրաստակամություն հայտնել՝ համատեղ աշխատել Արցախի վերափոխման համար: