Mercedes-Benz-ը ցուցադրել է Vision էլեկտրական սպորտային մեքենայի կոնցեպտը, որը թողարկվելու է AMG ապրանքանիշի ներքո։ Ենթադրաբար, մոդելը համալրված կլինի YASA-ի Axial Flux շարժիչով, իսկ նոր տարրերի թողարկումը սպասվում է 2025 թվականին։
Vision AMG-ը չորսդռնանի կուպե է՝ ներկված արծաթագույն և փիրուզագույն: Սպորտային էլեկտրական մեքենայի մարտկոցը 20-40%-ով ավելի տարողունակ կլինի, քան՝ մյուս մեքենաներինը։ Ավտոարտադրողը հայտարարել է Sila Nanotechnologies ընկերության հետ համագործակցության մասին, որը մասնագիտացած է սիլիկոնային անոդային մարտկոցների ոլորտում:
Vision AMG-ը կլինի էլեկտրական մեքենաների երեք հատուկ հարթակներից մեկը, որոնք Mercedes-ը նախատեսում է գործարկել 2025 թվականին, բացի միջին և մեծ մեքենաների համար նախատեսված MB.EA հարթակից և թեթև առևտրային մեքենաների համար նախատեսված Van.EA պլատֆորմից:
Ավտոարտադրողը չի բացահայտել գնային մանրամասները, սակայն ավելացրել է իր նախնական ներդրումները էլեկտրական մեքենաների արտադրության հոսքագծում՝ հասցնելով մինչև 63,6 միլիարդ դոլարի:
