Բրազիլացի աշխարհի եռակի չեմպիոն Պելեի ինքնազգացողությունը վատացել է, հայտնում է Daily Mail-ը՝ հղում անելով բրազիլական ԶԼՄ-ներին։
Աղբյուրը հայտնում է, որ 82-ամյա Պելեն այլևս չի արձագանքում քիմիոթերապիային: Համաշխարհային ֆուտբոլի լեգենդին տրամադրվում է միայն պալիատիվ խնամք։
Հիշեցնենք, որ Պելեն հոսպիտալացվել էր։ 2022 թվականին նա ևս երկու անգամ հոսպիտալացվել է Ալբերտ Էյնշտեյնի կլինիկա՝ երեք չարորակ ուռուցքների (աղիքներ, լյարդ և թոքեր) և միզուղիների վարակի բուժման հետ կապված միջամտությունների համար։