Սպորտ
«Սըր Ալեքս Ֆերգյուսոնի հեռանալուց հետո ակումբում առաջընթաց չկա». Ռոնալդուի սկանդալային հարցազրույցը
«Մանչեսթեր Յունայթեդի» և Պորտուգալիայի հավաքականի հարձակվող Կրիշտիանու Ռոնալդուն սկանդալային հարցազրույց է տվել աշխարհահռչակ լրագրող Պիրս Մորգանին։ Պորտուգալացի ֆուտբոլիստը արել է մի շարք սկանդալային և ուշագրավ հայտարարություններ ներկայումս իր շուրջը ստեղծված իրավիճակի, իր ապագայի և «Մանչեսթր Յունայթեդի» խնդիրների մասին։ Այստեղ առանձնացրել ենք Ռոնալդուի ամենաուշագրավ մտքերը.
- Ես ինձ դավաճանված եմ զգում «Մանչեսթեր Յունայթեդում» ինձ հետ վարվելու պատճառով։ Ինձ նյարդայնացնում է, որ ինձ դարձրին քավության նոխազ, որին մեղադրում են այն ամենի համար, ինչ սխալ է տեղի ունեցել ակումբում։
- Որոշ մարդիկ ինձ այստեղ չեն ուզում տեսնել: Ոչ միայն այս տարի, այլև գալիք մրցաշրջանում։
- Տեն Հա՞գը. Ես հարգանք չունեմ նրա նկատմամբ, քանի որ նա չի հարգում ինձ։ Եթե դուք ինձ չեք հարգում, ապա ես նույնը կպատասխանեմ։
- Չգիտեմ, թե ինչու է նա (Ռունին) ինձ այդքան քննադատում։ Նա, հավանաբար, դա անում է այն պատճառով, որ ինքն ավարտել է կարերիան, իսկ ես դեռ շարունակում եմ խաղալ:
- Ռանգնիկը նույնիսկ մարզիչ չէ, ինչպե՞ս կարող էր նա գլխավորել «Մանչեսթեր Յունայթեդը»: Ես երբեք չեմ էլ լսել նրա մասին:
- Երբ ես տեղափոխվեցի «Մանչեսթեր Յունայթեդ», ես հետևեցի իմ սրտին, բայց Սըր Ալեքս Ֆերգյուսոնի հեռանալուց հետո ակումբում առաջընթաց չկա: Ոչինչ չի փոխվել։ Իհարկե, նա բոլորից լավ գիտի, որ ակումբն այն ճանապարհին չէ, որին արժանի է:
- Երբ հետաքրքրություն կար «Մանչեսթեր Սիթիի» կողմից, սըր Ալեքս Ֆերգյուսոնն ինձ ասաց. «Դու չես կարող գնալ նրանց մոտ»: Եվ ես ասացի. «Լավ, բոս»։
- Ես սիրում եմ «Մանչեսթեր Յունայթեդն» ու երկրպագուներին։ Նրանք միշտ աջակցել են ինձ, սակայն եթե ակումբը ցանկանում է հաջողության հասնել, պետք է շատ բան փոխի։
"I feel betrayed."
— Piers Morgan Uncensored (@PiersUncensored) November 13, 2022
EXCLUSIVE: Cristiano Ronaldo tells Piers Morgan he feels like he's being forced out of Manchester United in an explosive interview.
90 Minutes with Ronaldo. Wednesday and Thursday at 8pm on TalkTV.@cristiano | @piersmorgan | @TalkTV | #PMU pic.twitter.com/nqp4mcXHB0
"Since Sir Alex Ferguson left I saw no evolution in the club, the progress was zero."
— Piers Morgan Uncensored (@PiersUncensored) November 13, 2022
Don't miss Piers Morgan's 90 Minutes with Ronaldo. Wednesday and Thursday at 8pm on TalkTV.@cristiano | @piersmorgan | @TalkTV | #PMU pic.twitter.com/VextyEu7f9
