Ուկրաինայի նախագահ Վոլոդիմիր Զելենսկին դեկտեմբերի 1-ին Փարիզում կհանդիպի Ֆրանսիայի նախագահ Էմանուել Մակրոնի հետ։
«Նախագահները կքննարկեն ներկա իրավիճակը և երկարատև ու արդար խաղաղության պայմանները՝ համաձայն Ժնևում կայացած քննարկումների, ամերիկյան ծրագրի և մեր եվրոպացի գործընկերների հետ սերտ համակարգման»,- ասվում է Մակրոնի գրասենյակի հաղորդագրության մեջ, որը մեջբերել է France-Presse-ը։
Նշվում է, որ Զելենսկին և Մակրոնը կքննարկեն նաև «կամավորների կոալիցիայի» շրջանակներում անվտանգության երաշխիքների վերաբերյալ ընթացիկ աշխատանքները։
