Շարունակվել է Դավիթ Տոնոյանի և մյուսների գործով դատական նիստը
Քաղաքական
21 Հունվարի 2022, 15:19
Երևանի ընդհանուր իրավասության դատարանում այսօր դռնփակ ձևաչափով շարունակվել ՀՀ պաշտպանության նախկին նախարար Դավիթ Տոնոյանի և մյուսների գործով դատական նիստը:
Փաստաբան Երեմ Սարգսյանը լրագրողների հետ զրույցում տեղեկացրել է, որ մեղադրյալների պաշտպանները դատարանում ներկայացրել են հիմնավորումները, որ մեղադրվող անձինք պետք է ազատ արձակվեն և նրանց կալանքի տակ պահելու հիմքեր չկան: Իսկ դատախազները ներկայացրել են իրենց հիմնավորումները, թե ինչու նրանք պետք է շարունակեն կալանքի տակ գտնվել։
Փաստաբանի խոսքով, յուրաքանչյուր ամբաստանյալի կալանքի տակ գտնվելու մասով փորձում են հիմնավորումներ ստանալ, քանի որ մեղադրող կողմի հիմնավորումները վերացական են: «Նշվում է, որ ազատության մեջ հայտնվելու դեպքում նրանք կարող են խոչընդոտել գործի քննությանը: Հիմա ուզում ենք հասկանալ, թե ինչու այս խնդիրը կա յուրաքանչյուր ամբաստանյալի մասով»,- մանրամասնել է նա։
Հետևեք մեզ Telegram-ում
