«ՀԱՊԿ-ի միջոցառումներին Հայաստանի չմասնակցելը չէի կոչի դեմարշ»․ Արմեն Գրիգորյան
Քաղաքական
14 Նոյեմբերի, 23:45
2020թ․-ից սկսած Հայաստանը բազմաթիվ հարցեր է ունեցել ՀԱՊԿ-ին, որոնց պատասխանները մինչ այժմ չունենք։ Այս մասին Հանրային հեռուստաընկերության եթերում հայտարարել է ՀՀ անվտանգության խորհրդի քարտուղար Արմեն Գրիգորյանը։
«ՀԱՊԿ-ի միջոցառումներին մեր չմասնակցելը չէի կոչի դեմարշ։ ՀԱՊԿ-ի վարքագծի հետ կապված հարցեր ունենք, ակնկալում ենք պատասխաններ։ Հայաստանի՝ ՀԱՊԿ անդամ լինելը չի կաշկանդում մեր մյուս հարաբերությունները կառուցելու մասով»,- նշել է Գրիգորյանը։
Անդրադառնալով Ադրբեջանի հետ խաղաղության պայմանագրին՝ Գրիգորյանն ասել է, որ Հայաստանը պատրաստ է մինչև տարեվերջ ստորագրել այն։
«Հնարավորություն կա այդ բանակցություններն այլ մակարդակներում շարունակելու, այդ թվում՝ Վաշինգտոնում։ Վերջերս տարածաշրջան էր այցելել ԱՄՆ պետքարտուղարի հատուկ խորհրդական Լուի Բոնոն՝ նաև այդ հարցերը քննարկելու նպատակով»,- նշել է նա։
