ՌԴ-ն չի կարողացել իրականացնել իր պնդումը. Արթուր Հովհաննիսյան
Քաղաքական
25 Մայիսի, 16:00
ԱԺ ՔՊ խմբակցության պատգամավոր Արթուր Հովհաննիսյանը հայտարարել է, թե ԱՄՆ գործընկերները բավականին շահագրգռված են տարածաշրջանում խաղաղության հաստատմամբ։
«Մենք շատ ինտենսիվ համագործակցում ենք մեր գործընկերների հետ: ՀՀ պատմության մեջ երբեք նման ինտենսիվ համագործակցություն չի եղել ԱՄՆ-ի հետ: Այս իմաստով մենք ընդունում ենք մեր ցանկացած գործընկեր պետության աջակցությունը: ՀՀ-ն ամեն ինչ անում է, որպեսզի հնարավորիս շուտ կարողանանք ստորագրել խաղաղության պայմանագիրը»,- ասել է նա:
Ըստ Հովհաննիսյանի, «շուտ» հասկացությունը պայմանական է. «ՌԴ-ի կողմից եղել է առաջարկ, որպեսզի ԼՂ-ի հարցի լուծումը թողնվի սերունդներին, այսինքն՝ պահպանվի ստատուս քվոն: Մենք հրապարակային համաձայնել ենք, դրանից հետո ՌԴ-ն չի կարողացել իրականացնել իր պնդումը: Կարծում եմ՝ Ադրբեջանի ապակառուցողական վարքագծի պատճառով»,- ասել է նա։
