«Ո՞նց կարելի է այդքան անլուրջ լինել». Նիկոլ Փաշինյանը՝ Սերժ Սարգսյանի մասին
Քաղաքական
14 Մարտի, 14:29
«Ինձ դառնացնում է, որ այդ լրջության մարդը Հայաստանն է ղեկավարել։ Ո՞նց կարելի է այդքան անլուրջ լինել, այդքան անլուրջ գտնվել»,- վարչապետ Նիկոլ Փաշինյանն այսպես է մեկնաբանել երրորդ նախագահ Սերժ Սարգսյանի վերջին հայտարարությունները, թե 2020-ի պատերազմում Հայաստանի ունեցած ռազմամթերքի կեսն է ներգրավված եղել։
«Դուք հասկանո՞ւմ եք՝ ինչի մասին է խոսքը։ Հազարավոր կամավորներ են մասնակցել պատերազմին, որևէ մեկը ասե՞լ է, որ զենքի պակաս են ունեցել։ Կատարյալ սուտ է։ Օգնություն ասելով՝ ի՞նչ նկատի ունեն․ կարո՞ղ է նկատի ունեն ձրի զենք։ Եթե ձրի զենք, մենք... ձրի զենքը չասեմ, թե ինչ է։ ՀՀ-ն 2018-2020թթ. ձեռք է բերել ավելի շատ զինամթերք, քան նախորդ տասը տարին՝ միասին վերցրած։ Սա ապացուցված վիճակագրություն է»,- ասել է նա։
Վարչապետը խոսել է 2020-ի պատերազմի ելքի մասին՝ ասելով. «Մենք պատերազմը պարտվել ենք այն պատճառով, որ բանակում գործել է հինգերորդ շարասյուն։ Սա իմ համոզմունքն է՝ մի շարք փաստերի վերլուծության արդյունքում»։
