Քաղաքական
Կորոնավիրուսով հիվանդացածների միայն 5-6%-ը կարիք ունեն հոսպիտալացման
ՀՀ Առողջապահության նախարար Անահիտ Ավանեսյանը կառավարության այսօրվա նիստում հայտարարել է, թե հիվանդացածների շրջանում միայն 5-6%-ը կարիք ունեն հոսպիտալացման։ Ըստ նախարարի, սրան առավելապես նպաստել է պատվաստվածների մեծաթիվ ընդգրկվածությունը։
Նախարարի խոսքով՝ այս շաբաթ պրոգրեսիվ աճի շրջանում ենք գտնվում:
Ըստ Ավանեսյանի, պատվաստումային առաջին դեղաչափը ստացել է չափահաս բնակչության 45.3%-ը, երկրորդ դեղաչափը՝ 37%-ը. «Պատվաստվածների գերակշիռ մասը 35-60 տարեկաններն են, 65-ից բարձր տարիք ունեցողների ցուցանիշն արդեն 18% է։ 12-17 տարեկանների շրջանում երկրորդ դեղաչափը ստացել է 1000 հոգի։ Պատվաստումային ցուցանիշներով ակտիվ մարզերից Վայոց ձորը, Արարատը և Երևանը»։
Նա նշեց, որ արդեն առկա է հիվանդանոցային կարողությունների, մահճակալների ծավալման պլանը. «Այս պահին մենք այն դեռ ամբողջովին չենք գործարկել և դա կանենք ըստ պահանջի: Ներկայումս վեց բժշկական կենտրոններ են ընդգրկված քովիդ բուժման մեջ: Ըստ կարիքի կծավալենք հավելյալ մահճակալային ֆոնդ»
