Միջազգային
ԱՄՆ-ի և ՆԱՏՕ-ի դաշնակիցները ուժեղացնում են դիվանագիտությունը՝ փորձելով զսպել Ռուսաստանին
ԱՄՆ նախագահ Ջո Բայդենը երկուշաբթի օրը տեսազանգ է ունեցել եվրոպացի առաջնորդների հետ՝ քննարկելու համատեղ ջանքերը՝ Կիևի դեմ Կրեմլի հետագա ագրեսիան զսպելու համար՝ Ուկրաինայի հետ սահմանի երկայնքով ռուսական զորքերի զանգվածային կուտակման պայմաններում, ինչը մտավախություն է առաջացրել նոր ներխուժման մասին: Ֆրանսիայի նախագահ Էմանուել Մակրոնը, Մեծ Բրիտանիայի վարչապետ Բորիս Ջոնսոնը և ՆԱՏՕ-ի և Եվրամիության բարձրաստիճան պաշտոնյաները, ասել են, որ իրենք միասնական ու հավատարիմ են ներկայիս լարվածության դիվանագիտական լուծմանը: Նրանք նաև քննարկել են Ռուսաստանի համար «ահռելի հետևանքների և լուրջ տնտեսական ծախսերի» նախապատրաստումը, ինչպես նաև ՆԱՏՕ-ի արևելյան թևի անվտանգությունը բարելավելու քայլերը: Երկուշաբթի օրը ՆԱՏՕ-ն հայտարարեց, որ ավելի շատ ռազմական տեխնիկա է տեղափոխում Արևելյան Եվրոպա՝ ուղարկելով նավեր և կործանիչներ, միաժամանակ, Բայդենի վարչակազմը 8500 զինվորական է դրել բարձր պատրաստվածության՝ Եվրոպա հնարավոր տեղակայման համար:
Պաշտոնական Կրեմլի խոսնակ Դմիտրի Պեսկովը երկուշաբթի օրը ասել է, որ Ռուսաստանը վերահսկում է ՆԱՏՕ-ի գործողությունները, և որ նախագահ Վլադիմիր Պուտինը քայլեր է ձեռնարկում ապահովելու մեր անվտանգությունը և մեր շահերը պատշաճ կերպով պաշտպանելու համար։
